Ish-legjenda e Inter, Javier Zanetti insiston se klubi nuk e mendon ta shesë yllin e skuadrës, Lautaro Martinez në verë.

Ka spekulimet të shumta në Spanjë që thonë se argjentinasi ka arritur marrëveshje personale me Barcelonën dhe klubi spanjoll është i gatshëm të paguajë klauzolën prej 111 milionë euro, transmeton portali arbresh.info.

Por, Zanetti që e solli Martinezin në Inter nga Racing ka thënë se ardhmja e këtij të fundit është në Itali.

“Mendoj se e ardhmja e Lautaros mbetet në Itali. Jemi të lumtur dhe ai është i lumtur në Inter”.

“Duke përfshirë lojtarët që janë transferuar, me siguri Martinez është një ndër më të mirët. Është vetëm 22-vjeçar dhe ka arritur gjëra të pabesueshme me Inter dhe Kombëtaren e Argjentinës”, theksoi ai.

Martinez këtë sezon ka shënuar 17 gola dhe ka kontribuar me katër asistime në të gjitha garat./arbresh.info.